ग्राम-ताराडांड, जिला-अनूपपुर (मध्यप्रदेश) से बाबूलाल नेटी एक स्वरचित गीत सुना रहे हैं :
जय हो जय हो मोर भुईयां के भगवान-
ओती ले सूर उवथे, होवाथे बिहान-
जय हो जय हो मोर भुईयां के भगवान-
तन में धोती कुर्ता तेहां मुड़ मा पहिने पांगा-
हाँथ मा तोतारी धरे कांधे धरे नागर-
ले लेके तन मा बोवाथे टिकरा धान...

ग्राम-कोटपारा, ब्लाक-दुर्गूकोंदल, जिला-उत्तर बस्तर कांकेर (छत्तीसगढ़) से गणेश आयाम एक कर्मा गीत सुना रहे हैं :
ओ हो हाय जंगल झाड़ी जाबो जी-
चार तेंदू टोरेला जंगल झाड़ी जाबो गा-
चार टोरब, तेंदू टोरब, भेलवा टोरब का-
बहिया भेलवा टोरब का-
ओ हो हाय जंगल झाड़ी जाबो जी-
चार तेंदू टोरेला जंगल झाड़ी जाबो गा...

जिला-अनूपपुर (मध्यप्रदेश) से मन्नू लाल एक ददरिया गीत सुना रहे हैं:
कहां जबे, कहां जबे, कहां जबे-
कहां जबे गा मोर सोन चिरैया, कहां जाबे-
पहाड़ देख के मोर मन लागे-
कहां जाबे मोर संगवारी गा-
पानी बरसे झर-झर, झर-झर कहां लुकगे गा-
कहां लुक गे, कहां तै हां लुकबे...

ग्राम पंचायत-धुराधर, ब्लाक-पुष्पराजगढ़, जिला-अनूपपुर (मध्यप्रदेश) से मन्नू एक कर्मा गीत सुना रहे हैं:
पीपर पान सकरी, बहेरा पान दोनिया-
सिली ले हो-
लागे हरा प्रीत माया ला जोड़ी दे हो-
खाले अउ पी ले, लईले अउ दई दे...

ग्राम-ताराडांड, जिला-अनूपपुर (मध्यप्रदेश) से बाबूलाल नेटी एक छत्तीसगढ़ी ददरिया गीत सुना रहे हैं :
दया मया ला राखे रईहा-
दीदी ओ भईया ओ, बाबू हो नोनी हो-
मया जोरे बर संगी, आये हों सूरजपुर मा-
दया मया ला राखे रईहा...